![Молитва о дожде Молитва о дожде](https://blogger.googleusercontent.com/img/b/R29vZ2xl/AVvXsEg2ua0aDO9p8dKx3jRb79MmNDZ5pW6d_ln1y_YJ_RkrUlx0QO7E9CSCeXwwZHIlxKFxI9SLTA_lza7zdcppJb15wMh1MI7krHLueCpNRXTKGKn7EkvI8GB5gmBVNOSaRjbrbuhi2RYdxYU/s200/dogd.jpg)
Молитва о дожде (от засухи)-Блаженному Прокопию
Молитва о дожде
О, великий святый блаженный Прокопие! Тебе молимся и тебе просим: молися о нас ко всемилостивому Богу и Спасу нашем Иисусу Христу, да проявит милость Свою к нам недостойным и дарует нам вся к животу и благочестию потребная: веры убо и любве преспеяние, благочестия умножение, мира утверждение, земли плодоносие, воздухов благорастворение и во всем благом благое поспешение. Вся грады и веси Российския предстательством твоим соблюди невредимы от всякаго зла. Всем православным христианом, тя молитвенно призывающим, комуждо по нуждам их, потребная даруй: болящим исцеление, скорбящим утешение, бедствующим поможение, унывающим ободрение, нищим снабдение, сирым призрение. Нам же всем дух покаяния и страха Божия испроси, да благочестно временное сие житие скончавше, сподобимся благую христианскую кончину получити и царствие небесное со избранными Божиими наследовати. Ей, праведниче Божий! Не посрами упования нашего, еже на тя смиренно возлагаем, но буди нам помощник и заступник в жизни, при смерти и по смерти нашей; да, твоим предстательством спасение улучивше, купно с тобою прославим Отца и Сына и Святаго Духа, и твое крепкое заступление о нас, во веки веков. Аминь.
Молитва о дожде,о дожде молитва