![Молитва на освящение воды Молитва на освящение воды](https://blogger.googleusercontent.com/img/b/R29vZ2xl/AVvXsEhVeECvY4IGTFu8yIXgyfLNXPzZZuKe4UfW2FXgH79cS_bvUAtbwnfWY6DfSLgqTJMZG3Z4koj3T7ir7VtGQOoRf-QS4DRaKtS-3gEzBB0fDKx0TlgKZF9RyPEt6nPPEyKITgfMfrye4q0/s200/osv_vodu.jpg)
Молитва на освящение воды
Боже великоименитый, творяй чудеса, имже несть числа! Прииди к молящимся рабом Твоим, Владыко: посли Дух Твой Святый и освяти воду сию, и даждь ей благодать избавления и благословение Иорданово: сотвори ю источник нетления, освящения дар, грехом разрешение, недугов исцеление, бесом погибель, противным силам неприступну, Ангельския крепости исполнену: яко да вси почерпающии ю и приемлющии от нея имеют на очищение души и тела, на исцеление вредом, в изменение страстем, во оставление грехов, в отгнание всякаго зла, на окропление и освящение домов и на всяку пользу подобну. И елика аще что в домех, или на месте правоверно живущих сия вода окропит, да отымется всяка нечистота, да избавит от всякаго вреда, ниже тамо да водворяется дух губительный, ниже воздух вредящий, да отбежит всякое мечтание и навет крыющагося врага, а аще нечто есть, еже, или здравию живущих завидит, или покою, окроплением сия воды да отразится. Яко да благословися и прославися пречестное и великолепое имя Твое, Отца и Сына и Святаго Духа, ныне и присно и во веки веков. Аминь.
Молитва на освящение воды, на освящение воды молитвы