![Молитва Святой великомученице Екатерине Молитва Святой великомученице Екатерине](https://blogger.googleusercontent.com/img/b/R29vZ2xl/AVvXsEhf2GYAi734Y4M8ztpYUm0-eyA4qrAyrP-tMfZlO4H_uRnPQfwJr38d1iVOMMYyy9GIbb42vuWhc-bMHEAN0rbIAkPiG6BhR46fX2FDQZA5bYRyYcWb1H4RAaaUQocIgSRz7fi1GxgCPpk/s200/sv.ekaterina2.jpg)
Молитва Святой Екатерине-Акафист Святой Екатерине
Молитва Святой великомученице Екатерине(1)
О святая Екатерино, дево и мученице истинная Христова невесто! Молим тя чрез особливую благодать, еюже предвари тя Жених твой, Сладчайший Иисус: якоже посрамивши прелести мучителя, мудростию твоею пятдесят ветий победила еси и, напоивши их Небесным учением, к свету истинныя веры наставила еси, тако испроси и нам оную Божию мудрость, да и мы, расторгнувше вся козни адскаго мучителя и презрев мира и плоти соблазны, достойны явимся Божественныя славы и к разширению святыя нашея православныя веры сосуды достойны соделаемся, и с тобою в Небесной скинии Господа и Владыку нашего Иисуса Христа хвалим и прославляем во вся веки. Аминь.
Молитва Святой великомученице Екатерине(2)
О святая дево и мученице Екатерине! Молим тя: призри на бедствия нас, грешных раб Божиих (имена), сотвори нас горняя мудрствовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прошения, можеши бо многая испросити у Возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков.
Святая великомученица Екатерина
Молитва Святой великомученице Екатерине,Молитва Святой Екатерине,Акафист Святой Екатерине